Услугата помош и нега во домот е наменета за лицата на кои им е потребна грижа и нега да продолжат самостојно да функционираат во сопствениот дом. Негувателите им даваат поддршка во извршување на основните и инструменталните активности. Таа поддршка се состои од: одржување на личната хигиена, поддршка при облекување, пресоблекување, хранење и подготвување на храна за лицето на кое му е потребно грижа и нега. Поддршка при движење низ домот и околината, давање на терапија препишана од медицинско лице и слично. 

Услугата лична аситенција има за цел да овозможи независно и самостојно живеење за лицата кои имаат потреба од помош и поддршка во активностите од секојдневниот живот, како и помош и поддршка на работното место, образовните институции и останати институции во заедницата.

Услугите за грижа и нега во домот може да ги добиете од лиценцираните даватели на услуги во регионот/општината каде што живеете. Лиценцираните даватели се сервис провајдери кои добиле Решение од Министерството за труд и социјална политика за испорачување на услуги за грижа и нега. Истите може да испорачуваат и комерцијални пакети кон лицата кои имаат потреба од грижа и нега во сопствениот дом. 

Доколку лиценцираните даватели на услуги имаат склучено договор со Министерството за финансирање на услугите – услугите може да ги добиете бесплатно. Потребно е да поднесете Барање за користење на услугата до надлежниот Центар за социјални работи.  Доколку ги исполнувате условите, Центарот за социјални работи изготвува Решение за користење на дадената услуга.  

Ова се подрачните единици на Меѓуопштинските центри за социјална работа. ЛИНК